Category: Ծրագրեր

«Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագրում

Տեխնիկական առաջադրանք

Բազմակողմանի տեղեկատվության ինստիտուտ-Հայաստանը փնտրում է իրավաբան-խորհրդատուի, որը պատասխանատու կլինի «ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագրում իրավաբանական խորհրդատվության և օգնության համար: Ծրագրի շրջանակներում մշակվել են աշխատողների աջակցության երեք նորարարական գործիքներ՝ օգնելու վերջիններիս լուծելու աշխատանքային իրավունքներին առնչվող խնդիրներ և ստանալու իրավաբանական աջակցություն: Բացի այդ, գործիքներն օգտագործվում են աշխատանքային իրավունքների խախտումների վերաբերյալ իրազեկությունը բարձրացնելու նպատակով՝ տրամադրելով տեղեկատվություն Հայաստանի օրենսդրության վերաբերյալ, ինչպես նաև այն մասին, թե ինչպես կարող են աշխատողներն ինքնուրույն լուծել զանազան խնդիրներ՝ ամբողջապես իրացնելով իրենց իրավունքները: Իրավաբան-խորհրդատուն պարտավորվում է նաև պատրաստել փաստաթղթեր, մշակել խնդիրների լուծումներ, գրավոր պատասխանել թեժ գծի և չաթբոտի միջոցով ստացվող հարցերին:

Իրավաբան-խորհրդատուն պետք է ունենա գերազանց վերլուծական, հետազոտական ​​և գրավոր հմտություններ, առողջ դատողություններ անելու կարողություն և ունակ լինի արդյունավետ աշխատել թիմում:

Բարձրակարգ իրավախորհրդատուն պետք է ունենա նաև ուժեղ հաղորդակցական հմտություններ, ունակ լինի աշխատել մեծ ծանրաբեռնվածությամբ և սեղմ ժամկետներում և մշտապես հետևի օրենքների վերջին թարմացումներին:

Իրավաբան-խորհրդատուի պարտականությունները

Իրավաբան-խորհրդատուի աշխատանքի ընդհանուր նպատակը ԲՏԻՀ-ին աշխատանքային իրավունքներին առնչվող գործողություններում աջակցելն է՝ հետևյալ հիմնական պարտականությունների կատարմամբ՝

2.1. ուսումնասիրել աշխատանքային իրավունքներին առնչվող հարցերը և բողոքները՝ ստացված https://azdarar.mdi.am անանուն թեժ գծի միջոցով՝ տրամադրելով իրավաբանական օգնություն,

2.2. ստեղծել աշխատանքային իրավունքների խախտումներին և օրենսդրությանն առնչվող բովանդակություն ծրագրի ֆեյսբուքյան էջի (https://www.facebook.com/HavasarEqual/) չաթբոտի համար,

2.3. ծրագրի թեմատիկ բլոգի համար ստեղծել բովանդակություն և մասնակցել կարճ տեսանյութերի և ինֆոգրաֆիկաների պատրաստմանը՝ նվիրված օրենսդրությանը և Հայաստանում աշխատանքային իրավունքների հիմնական խախտումներին,

2.4. պատրաստել աշխատանքային իրավունքների խախտման ներկայացված դեպքերի վերաբերյալ եռամսյակային հաշվետվություններ,

2.5. գնահատել աշխատանքային իրավունքների խնդիրներին առնչվող առցանց գործիքների արդյունավետությունը և անհրաժեշտության դեպքում առաջարկել փոփոխություններ,

2.6. կատարել ծրագրի ղեկավարի կողմից տրված այլ հանձնարարություններ՝ կապված Հայաստանում աշխատանքային իրավունքների և օրենսդրության հետ։

Պահանջներ և հմտություններ

● Կրթություն. առնվազն բակալավրի աստիճան իրավունքի կամ մարդու իրավունքների ոլորտում,

● իրավաբանական խորհրդատուի՝ 3-5 տարվա ապացուցելի/հաջող աշխատանքային փորձ բիզնես ոլորտում և շահույթ չհետապնդող կազմակերպություններում,

● կորպորատիվ իրավունքի և ընթացակարգերի գերազանց իմացություն և ընկալում,

● կազմակերպության արտաքին միջավայրի ազդեցությունների լիարժեք ընկալում,

● մասնագիտական էթիկայի և ազնվության բարձր մակարդակ,

● առողջ դատողություն և իրավիճակներ ու տեղեկատվություն վերլուծելու կարողություն,

● հաղորդակցական գերազանց հմտություններ,

● լավ վերլուծական հմտություններ,

● ճկունություն և մարտահրավերներին ժամանակին և պրոակտիվ կերպով արձագանքելու կարողություն,

● բիզնեսի կառավարման մագիստրոսի կամ բակալավրի աստիճանը կդիտվի որպես առավելություն:

Ծրագրի մասին

«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագիրն իրականացվում է ՕքսԵՋեն հիմնադրամի, «Սոցիոսկոպ» ՀԿ-ի, «Ասպարեզ» լրագրողների ակումբ ՀԿ-ի, «Հայ առաջադեմ երիտասարդություն» ՀԿ-ի, Բազմակողմանի տեղեկատվության ինստիտուտ-Հայաստան ՀԿ-ի կողմից՝ «Իրավունքների պաշտպանություն առանց սահմանների» ՀԿ-ի և Եվրասիա համագործակցություն հիմնադրամի հետ համատեղ:  Ծրագրում ներգրավված շահագրգիռ կողմերը միավորում են իրենց ուժերը համակարգելու «Քաղաքացու ձայն» մասնակցային հարթակը, որը երկրով մեկ կիրականացնի խորհրդատվություններ աշխատանքային իրավունքների խտրականությանը և խախտումներին առնչվող համապատասխան պետական քաղաքականությունների մշակման և իրականացման վերաբերյալ՝ ներգրավելով զարգացող տեղական կազմակերպությունների (grassroots) և ակտիվիստների ոչ ֆորմալ խմբերի:

Ապրիլի 23-ին «Բոլորը հանուն հավասար իրավունքների հիմնադրամի» Գյումրիի գրասենյակում կայացավ Էլեկտրոնային գրագիտության ու թվային անվտանգության մարտահրավերների եւ դրանց լուծումների վերաբերյալ փակ աշխատաժողով, որի մասնակիցներն էին քաղաքացիական հասարակության կառույցներ, կրթական կենտրոններ, կոալիցիաներ եւ կոնսորցիումներ:

«Բազմակողմանի տեղեկատվության ինստիտուտի» նախագահ Արթուր Պապյանը կազմակերպության «Թվային աջակցություն քաղհասարակությանը» նախաձեռնության շրջանակներում ներկայացրեց հայաստանյան քաղհասարակության առաջ հառնող թվային մարտահրավերները, օգնեց ներկաներին իրականացնել իրենց թվային ռիսկերի հետ կապված կարիքների գնահատում։

ՀՀ կառավարության, միջազգային համայնքի, քաղհասարակության ավելի քան 60 ներկայացուցիչներ առցանց միջոցառման ընթացքում ծանոթացան ՀՀ-ում աշխատանքային իրավունքների պաշտպանության վիճակին, առկա կարիքներին, աշխատանքային վեճերի վերաբերյալ դատական պրակտիկային, աշխատանքային իրավունքների վրա COVID-19-ի ազդեցությանը, ինչպես նաև ԵՄ-ում արհմիությունների ստեղծման լավագույն փորձին վերաբերող հետազոտությունների արդյունքներին։ Հինգ հետազոտությունները կատարել են Եվրոպական միության աջակցությամբ ոլորտում երեք ծրագրեր իրականացնող հասարակական կազմակերպությունների խմբերը։

«Կառավարության և քաղհասարակության հետ մշտական երկխոսության շրջանակում ԵՄ-ն աջակցում է Հայաստանում աշխատանքային իրավունքների բարելավմանը և հարգանքին։ Աշխատանքային  օրենսդրությունը պետք է ընկալվի ոչ թե ձեռնարկատիրական ազատությունների իրացման խոչընդոտ, այլ սոցիալական երկխոսությունը խթանող գործիք»,- իր ողջույնի խոսքում նշեց Հայաստանում Եվրոպական միության պատվիրակության ղեկավար դեսպան Ն.Գ. տկն. Անդրեա Վիկտորինը։ Միջոցառմանը ներկա էին և մասնակիցներին ողջունեցին նաև ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը, ՀՀ առողջապահական և աշխատանքի տեսչական մարմնի ղեկավար Հակոբ Ավագյանը։ 

Հետազոտությունները բացահայտել են ՀՀ-ում աշխատանքային իրավունքների իրավիճակի հետ կապված մի շարք խնդիրներ։ Մասնավորապես՝ Հայաստանում աշխատանքային իրավունքների պաշտպանվածության վիճակի վերաբերյալ հետազոտությունը (հետազոտության ամբողջական զեկույցը), Կարիքների գնահատման համապարփակ հետազոտությունը և Աշխատանքային վեճերի վերաբերյալ դատական պրակտիկայի ուսումնասիրությունը մատնանշել են իրենց իրավունքների վերաբերյալ աշխատողների իրազեկվածության պակասի խնդիրը։ Երեք հետազոտություններն էլ առաջարկություններ են ներառում հանրային իրազեկվածության մակարդակը բարձրացնելու վերաբերյալ՝ կապված արձակման նպաստի, ազատվող աշխատողների արտոնությունների և փոխհատուցումների, ինչպես նաև իրավական պաշտպանության առկա միջոցների հետ՝ հատկապես մարզերում, մասնավոր հատվածում աշխատողների, ինչպես նաև կանանց շրջանում՝ նրանց իրավազորելու իրենց իրավունքներին հետամուտ լինելու հարցում։       

Հետազոտությունների այլ բացահատումներ փաստում են, որ՝

• հարցվողների 16․7%-ը չունի աշխատանքային պայմանագիր.
• հարցվողների 6.8%-ը նշել է աշխատավայրում վտանգի գործոնների բարձր մակարդակի մասին, իսկ 79.2%-ը ոչ մի փոխհատուցում չի ստանում, եթե աշխատավայրում առկա են վտանգի գործոններ.
• իրենց գործատուին, անմիջական ղեկավարին կամ վերադաս մարմնին աշխատանքային պայմանների վերաբերյալ դժգոհություն հայտնածների միայն 15.2%-ն է հասել հարցի լուծման, 45.8%-ի դեպքում հարցը մասնակիորեն է լուծվել, իսկ 35.6%-ը չի հասել որևէ լուծման.
• հարցվողների միայն 28.3%-ն է նշել իրենց աշխատավայրում արհեստակցական միությունների առկայության մասին։ Մեծամասնությունը (85.7%) նշել է, որ երբևէ գործընկերների հետ ջանքերը չեն միավորել ընդդեմ գործատուի՝ որևէ հարց լուծելու կամ իրենց աշխատանքային իրավունքները պաշտպանելու նպատակով.
• երիտասարդները դժվարություն ունեն համապատասխան աշխատանք գտնելու հարցում` աշխատանքային փորձի պակասի կամ բացակայության պատճառով, կամ գտնում են շատ ցածր վարձատրվող աշխատանք։ Հարցվողների 26%-ի դեպքում երիտասարդ տարիքը բացասական դեր է խաղացել աշխատանք գտնելու հարցում, իսկ 50%-ի դեպքում փորձի բացակայությունը կամ պակասը նրանց թույլ չի տվել անցնել իրենց ուզած աշխատանքին.
• որոշ կանայք խոչընդոտների են բախվում աշխատանք փնտրելիս կամ աշխատանքը փոխելու կամ առաջխաղացման հարցում։ Կին հարցվողների 22.7%-ի դեպքում կին լինելը վճռորոշ դեր է խաղացել աշխատանք փնտրելիս կամ աշխատանքային գործունեության ընթացքում, ընդ որում՝ նրանց 52%-ի դեպքում այդ դերը եղել է բացասական.
• Հայաստանի թե պետական, թե մասնավոր հատվածում գործող կազմակերպությունների մեծ մասը չունի անհրաժեշտ հնարավորություններն ու պայմանները հաշմանդամություն ունեցող անձանց տեղաշարժի համար, ինչը մեծ խոչընդոտ է այդպիսի մարդկանց աշխատանքի վերցնելու հարցում։ Շատ գործատուներ էլ պարզապես խուսափում են հաշմանդամություն ունեցող անձանց աշխատանքի վերցնելուց՝ անհանգստանալով, որ նրանց առողջությունը կարող է հանգեցնել հաճախակի բացակայությունների.
• Հայաստանում բնակչությունը շատ քիչ է տեղեկացված աշխատանքային իրավունքների պաշտպանության և վերահսկողության կառույցների մասին։ Հարցվողների կեսից ավելին՝ 54%-ը, տեղյակ չէ, թե որտեղ է պետք դիմել իրենց աշխատանքային իրավունքների խախտման դեպքում.
• Աշխատանքային իրավունքների վերաբերյալ դատական գործերի մեծամասնությունը պետական և համայնքային պատկանելության կազմակերպությունների դեմ է, ինչպիսիք են դպրոցները, առողջապահական հաստատությունները, բուհերը, ինչպես նաև հենց նախարարւթյուններն ու համայնքապետարանները։ Համաձայն հետազոտական տվյալների՝ մասնավոր հատվածում աշխատանքից ազատումների բողոքարկումների մակարդակը շարունակում է ցածր մնալ։

Միջոցառման ընթացքում ներկայացվեցին նաև «COVID-19 համավարակի ազդեցությունը Հայաստանում աշխատանքային իրավունքների վրա» և «ԵՄ-ում արհմիությունների ստեղծման լավագույն փորձը» հետազոտությունների արդյունքները։

ՀՀ-ում աշխատանքային իրավունքների հետ կապված իրավիճակի բարելավմանն ուղղված երեք ծրագրերն իրականացնող կազմակերպությունները պայմանավորվեցին շարունակել ոլորտում համակարգված ջանքերը՝ լավագույն արդյունքի հասնելու համար։

Միջոցառման ամբողջական տեսագրությունը հասանելի է ԱՅՍՏԵՂ։ Բոլոր հետազոտությունների զեկույցները կհրապարակվեն վերջնականացվելուց հետո։

***

Աշխատանքային իրավունքների պատպանության ուղղությամբ Եվրոպական միության աջակցությամբ իրականացվող երեք ծրագրերը

«Արժանապատիվ աշխատանք հիմա՛» ծրագիրն իրականացվում է Հելսինկյան քաղաքացիական ասամբլեայի Վանաձորի գրասենյակի, Թրանսփարենսի Ինթերնեշնլ հակակոռուպցիոն կենտրոնի, Հասարակական հետազոտությունների առաջատար խմբի, Ֆակտոր տեղեկատվական կենտրոնի կողմից՝ Կրթություն և համերաշխություն արհմիության հետ համատեղ:

«Հանուն աշխատանքի. հաշվետու և ներառական աշխատաշուկայի նախաձեռնություն» ծրագիրն իրականացվում է Տեղեկատվական և հաղորդակցության տեխնոլոգիաների գործատուների միության, Արմավիրի զարգացման կենտրոնի և «Կիրակի» զարգացման հիմնադրամի կողմից:«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագիրն իրականացվում է ՕքսԵՋեն հիմնադրամի, «Սոցիոսկոպ» ՀԿ‑ի, «Ասպարեզ» լրագրողների ակումբ ՀԿ-ի, «Հայ առաջադեմ երիտասարդություն» ՀԿ-ի, «Բազմակողմանի տեղեկատվության ինստիտուտ. Հայաստան» ՀԿ կողմից՝ «Իրավունքների պաշտպանություն առանց սահմանների» ՀԿ-ի և Եվրասիա համագործակցություն հիմնադրամի հետ համատեղ:

Ս.թ. հունիսի 11-ին Երևանում տեղի ունեցավ Հայաստանում աշխատանքային իրավունքների պաշտապանությանն ուղղված ԵՄ-ի աջակցությամբ իրականացվող երեք նոր ծրագրերի պաշտոնական մեկնարկի միջոցառումը:  

Ծրագրերն իրականացվում են երեք կոնսորցիումների կողմից՝ համախմբելով 14 քաղաքացիական հասարակության կառույցների, գործատուների և արհեստակցական միությունների, ինչպես նաև մեդիա կառույցների՝ Երևանից և մարզերից:

Իրականացվող ծրագրերն են.

«Հանուն աշխատանքի. հաշվետու և ներառական աշխատաշուկայի նախաձեռնություն» ծրագիր, որն իրականացվում է Տեղեկատվական և Հաղորդակցության Տեխնոլոգիաների Գործատուների Միության, Արմավիր Զարգացման Կենտրոնի և Կիրակի Զարգացման Հիմնադրամի կողմից: Ծրագիրը նպատակ ունի բարձրացնել պետական կառավարման և ՔՀԿ-ների կարողությունները` ամրապնդելու և ընդլայնելու աշխատանքային իրավունքների պաշտպանությունը և Կառավարության ներսում կառուցելու ռազմավարական ինստիտուցիոնալ կարողություններ` սոցիալական պաշտպանության և աշխատանքային բարեփոխումների ուղղությամբ:

«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագիր, որն իրականացվում է ՕքսԵՋեն հիմնադրամի, «Սոցիոսկոպ» ՀԿ-ի, «Ասպարեզ» լրագրողների ակումբ ՀԿ-ի, «Հայ առաջադեմ երիտասարդություն» ՀԿ-ի, «Բազմակողմանի տեղեկատվության ինստիտուտ. Հայաստան» ՀԿ կողմից՝ «Իրավունքների պաշտպանություն առանց սահմանների» ՀԿ-ի և Եվրասիա համագործակցություն հիմնադրամի հետ համատեղ:   Ծրագրում ներգրավված շահագրգիռ կողմերը միավորում են իրենց ուժերը համակարգելու «Քաղաքացու ձայն» մասնակցային բաց հարթակը, որի նպատակն է քաղաքականությունների բարելավման միջոցով հասնելու աշխատանքային և սոցիալական իրավունքների պաշտպանությանը:

«Արժանապատիվ աշխատանք հիմա՛» ծրագիր, որն իրականացվում է Հելսինկյան քաղաքացիական ասամբլեայի Վանաձորի գրասենյակի, Թրանսփարենսի Ինթերնեշնլ հակակոռուպցիոն կենտրոնի, Հասարակական հետազոտությունների առաջատար խմբի, Ֆակտոր տեղեկատվական կենտրոնի կողմից՝ Կրթություն և համերաշխություն արհմիության հետ համատեղ: Ծրագրի նպատակն է նպաստել աշխատանքի և սոցիալական իրավունքների պաշտպանության անհատական, կոլեկտիվ և պետական մեխանիզմների զարգացմանը և դրանց կիրառմանը Հայաստանում`աշխատողների, արհմիությունների հզորացման և օրենսդրական դաշտի բարեփոխումներին ուղղված  շահերի պաշտպանության միջոցով:

Ծրագրերը իրականցրել են աշխատանքներ դեռևս 2021 թվականի սկզբից և նպատակ ունեն նպաստելու Հայաստանում աշխատանքային և սոցիալական իրավունքների պաշտպանությանը՝ առաջարկելով նորարար, ՏՀՏ լուծումներ ՀՀ-ում աշխատանքային իրավունքների վերահսկողության ոլորտում, ծավալելու աշխատանքային իրավունքների հանրային իրազեկում հատկապես երիտասարդների, կանանց, հաշմանդամություն ունեցող անձանց շրջանում, ինչպես նաև նախաձեռնելով շարունակական մասնակցային երկխոսություն շահագրգիռ կողմերի հետ:

Միջոցառմանը մասնակցեցին ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը, ՀՀ առողջապահական և աշխատանքի տեսչական մարմնի ղեկավար Հակոբ Ավագյանը, ինչպես նաև Հայաստանում Եվրոպական միության պատվիրակության Համագործակցության բաժնի ղեկավար Գոնզալո Սեռանո Դե Լա Ռոսան:

Իր ողջույնի խոսքում պարոն Գոնզալո Սեռանոն նշեց, որ հատկապես տպավորված է կազմակերպությունների ներգրավվածությամբ, որը նաև հավաստում է ԵՄ-ի հավելյալ արժեքի մասին, այն է միավորել ոլորտի տարբեր մասնագիտացմամբ, տեսակետներով և փորձով դերակատարների ջանքերը՝ ապահովելու շոշափելի, դրական և կարևոր փոփոխություն Հայաստանում, այդ թվում նաև աշխատանքային իրավունքների պաշտպանության բնագավառում:

Պարոն Սարգսյանն իր խոսքում կարևորեց ԵՄ-ի կողմից տրամադրված աջակցությունը՝ ուղղված ինչպես աշխատանքային իրավունքների, այնպես էլ Հայաստանում սոցիալ- տնտեսական իրավիճակի բարելավմանը: Խոսելով մեկնարկած ծրագրերի մասին պարոն Սարգսյանը հատկապես կարևորեց աշխատանքային իրավունքների ոլորտում ՏՏ համակարգի ներդրումն Առողջապահական և աշխատանքի տեսչական մարմնի վերազինման աշխատանքերում, ինչպես նաև աշխատանքային իրավունքների վերաբերյալ իրազեկման քարոզարշավները, հատկապես հասարակության խոցելի խմբերի շրջանում:

ՀՀ առողջապահական և աշխատանքի տեսչական մարմնի ղեկավար Հակոբ Ավագյանը նշեց, որ արդեն իսկ մեկնարկել են համագործակցությունը ծրագրերի հետ, առանձնացնելով տեսչական մարմնի վերազինման աշխատաքները մասնավորապես թվայնացնելով աշխատանքային իրավունքների վերահսկողության մեխանիզմը՝ էլեկտրոնային պլատֆորմի միջոցով:

Հանդիպմանը ՀՀ առողջապահական և աշխատանքի տեսչական մարմինը ստորագրեց նաև փոխըմբռման հուշագրեր ծրագրեր իրականացնող կազմակերպությունների հետ՝ ազդարարելով և շարունակական համագործակցության հիմքեր դնելով աշխատանքային իրավունքներով զբաղվող գործընկերների միջև:

Հանրային լրագրության ակումբը «Արագ արձագանքման ֆոնդ նախաձեռնություն» ծրագրի շրջանակներում պատրաստ է ֆինանսական աջակցություն տրամադրել ղարաբաղյան երկրորդ պատերազմի գործողությունների հետևանքով տուժած և առողջական խնդիրներ ձեռքբերած մեդիա աշխատողներին։

Եթե դուք լուսաբանել եք 44-օրյա պատերազմը և ձեր առողջությանը վնաս է հասցվել, ուրեմն շտապե՛ք լրացնել այս հայտը մինչև 2021 թվականի հունիսի 30-ը։

Հանուն ժողովրդավարության եվրոպական հիմնադրամի (European Endowment for Democracy) կողմից ֆինանսավորվող «Արագ արձագանքման ֆոնդ նախաձեռնություն» ծրագրի հիմնական նպատակներն են լրագրողների և մեդիա աշխատողների արագ և ճկուն աջակցության հնարավորությունը, նրանց բժշկական և հոգեբանական օգնության տրամադրումը, միջազգային մարդասիրական օրենսդրության, առաջին օգնության, թվային և անձնական տվյալների անվտանգության ուղղությամբ մասնագիտական կարողությունների զարգացումը և լրագրողների ու հանրության շրջանում հոգեբանական պաշտպանության վերաբերյալ իրազեկվածության  բարձրացումը։

Ծրագիրն իրականացնում է Հանրային լրագրության ակումբ ՀԿ-ն։
Ծրագրի շրջանակներում ձևավորվել է նաև համակարգող կոնսորցիում, որի կազմում են Մեդիա նախաձեռնության կենտրոնը, Երևանի մամուլի ակումբը, Ինֆորմացիայի ազատության կենտրոնը, Խոսքի ազատության պաշտպանության կոմիտեն և Բազմակողմանի տեղեկատվության ինստիտուտը: Կոնսորցիումը մշակելու է նախաձեռնության երկարաժամկետ տեսլականը, առաքելությունն ու ռազմավարությունը։

Ինֆորմացիայի ազատության կենտրոնը Բազմակողմանի տեղեկատվության ինստիտուտ ՀԿ-ի հետ իրականացնում է նոր ծրագիր՝ Պայքար ապատեղեկատվության վիրուսի դեմ՝ նպատակ ունենալով զարգացնել լրատվամիջոցների մեդիա գրագիտությունը և երիտասարդության փաստերի ստուգման հմտությունները: Ծրագրի շրջանակում թողարկվում է նաև Ֆեյքաքաղ վիդեոբլոգների շարքը՝ մեդիափորձագետներ Սամվել Մարտիրոսյանի և Արթուր Պապյանի մասնակցությամբ։

 

Չնայած Հայաստանը, լինելով ԵԽ անդամ երկիր, ստորագրել ու վավերացրել է «Ավտոմատ համակարգերում մշակվող անձնական տվյալների պաշտպանության մասին» ԵԽ կոնվենցիան և ընդունել է համապատասխան օրենք, ընդհանուր իրավիճակն այս ոլորտում մտավախություն է առաջացնում հայաստանյան իրավապաշտպանների շրջանում։

Բազմակողմանի տեղեկատվության ինստիտուտը մի շարք գործընկեր կազմակերպությունների հետ միավորվել է «Թվային օրակարգ» նախաձեռնության շրջանակում:

«Թվային օրակարգ» հասարակական կազմակերպությունների նախաձեռնությունը նպատակ ունի մշակել ընդհանուր քաղաքական ուղեցույց և մասնակի օրենսդրական փոփոխություններ, որոնք իրագործելու դեպքում կերաշխավորվի հայաստանցիների թվային իրավունքների պաշտպանությունը և ազատությունների հնարավոր նվազագույն ծավալը։ Սակայն ՀԿ-ների փոքր խումբը չի կարող հաջողության հասնել առանց հասարակության լայն շերտերի աջակցության։ Նախաձեռնության մասնակիցներն աշխատում են իրազեկել հասարակությանը թվային բռնակառավարման վտանգների մասին ու ձեռք բերել հասարակության տարբեր շերտերի աջակցությունը դրա դեմ պայքարելու համար։

Նախաձեռնության մասնակիցները համոզված են, որ ցանկացած քաղաքացի իրավունք ունի օգտվել համացանցից առանց բացահայտելու իր անձնը (անանուն), արգելել որևէ մեկի կողմից առանց իր համաձայնության համացանցում իր վարքի մասին տվյալների պահպանումը կամ հավաքագրումը։  Պետական մարմինների կողմից անձնական տվյալների մշակումը պետք է լինի թափանցիկ՝ պահպանելով տեղեկատվական անվտանգության հնարավոր բարձր չափանիշները, ինչն այսօր, ցավոք, տեղի չի ունենում։

Բազմակողմանի տեղեկատվության ինստիտուտի CyberHUB-AM ծրագրի շրջանակում ՏՏ անվտանգության մասնագետներ Սամվել Մարտիրոսյանը, Վարդան Արզումանյանը և Արթուր Պապյանն այսօր թվային անվտանգության թեմայով դասընթաց անցկացրեցին Երևանի պետական համալսարանի ժուռնալիստիկայի ֆակուլտետի ուսանողների համար։

Բազմակողմանի տեղեկատվության ինստիտուտի CyberHUB-AM ծրագրի շրջանակում այսօր Հանրային լրագրության ակումբում կիբերանվտանգության անվճար դասընթաց անցկացվեց լրագրողների համար:

CyberHUB-AM թիմի հիմնադիրներ Սամվել Մարտիրոսյանը և Արթուր Պապյանը ներկայացրեցին աշխատող լրագրողներին սպառնացող հիմնական վտանգները ՏՏ ոլորտում, տալ պաշտպանական անհրաժեշտ բազային հմտություններ, պատասխանեցին դասընթացին մասնակցող լրագրողների հարցերին։

CyberHUB-AM ծրագրի շրջանակում Բազմակողմանի տեղեկատվության ինստիտուտ-ը, OxYGen Foundation-ի հետ համատեղ թվային անվտանգության դասընթաց անցկացրեց կանանց հիմնախնդիրներով զբաղվող Հայաստանյան մի շարք հասարակական կազմակերպությունների ներկայացուցիչների համար։ Continue reading “Թվային անվտանգությունը հասարակական կազմակերպությունների համար․ սեմինար”